الهی قاره پرچمده گوزوم وار
علی اوغلی ابوالفضله سوزوم وار
اگر چه نوکر ناقابلم من
وگر دیوانیم یا عاقلم من
او خردا قبرینه چوخ مایلم من
منی قووماز او مولا سائلم من
منم اول قطره کی یمده(1) گوزوم وار
علی اوغلی ابوالفضله سوزوم وار
مریضیم وار شفاسین ایستورم من
چتین دردین دواسین ایستورم من
حسینون کربلاسین ایستورم من
مزار باصفاسین ایستورم من
کنار نهر علقمده گوزوم وار
علی اوغلی ابوالفضله سوزوم وار
عطاسی ای اولان دریا اباالفضل (علیهالسلام)
گوزی شهلا قدی رعنا اباالفضل (علیهالسلام)
سوسوز قیزلاره ای سقا اباالفضل (علیهالسلام)
قلم قولاره قربان یا اباالفضل (علیهالسلام)
بساط و بزم ماتمده گوزوم وار
علی اوغلی ابوالفضله سوزوم وار
متاع عشقهای بازار رایج
گلور هر کیم آلورسندن نتایج
ائدورسن هر مریضه سن معالج
واروندی منصب باب الحوائج
منیمده اسم اعظمده گوزوم وار
علی اوغلی ابوالفضله سوزوم وار
حسینون ای علمدار و وزیری
بنی هاشملرین ماه منیری
اوزون نوکر حساب ایله بشیری
اولوبدور عشق مولانین اسیری
دیور اون گون محرمده گوزوم وار
علی اوغلی ابوالفضله سوزوم وار (2).
1) یم به معنی دریا است.
2) از مؤلف سید بشیر حسینی.
